اليوم حبيت أشارك بها الأفكار اللي ممكن نشغل فيها أوقات عيالنا وبنفس الوقت هي أفكار مفيدة ومسلية لهم
بس هاي الأفكار لازم تنفذينها معاهم يعني تواجدك مهم وأساسي
يالله نبدأ:
في طريقة سهلة علشان تصنعين كتاب مع طفلك: خذي بعض المجلات وتصفحيها مع
ولدك وخليه يختار منها الصور والرسوم إللي تعجبه، وبعدين قصيها ولصقيها على
دفتر كبير أو ألبوم ورتبيها وفقا لمواضيعها يعني صور الحيوانات مثلا ويا
بعض وصور الفواكة وصور الأبنية وغيرها وإذا كان طفلك كبير شوي يعني مثلا 3
أو 4 سنوات ممكن تصنفين الصور على حسب الحروف يعني أولا الصور إللي يبدأ
أسمها بحرف الألف أولا ثم الباء والتاء وهكذا...
طبعا في النهاية بتكونين أنجزتي كتاب أو ألبوم شارك أبنك في انجازه.
إذا كان ولدك يحب الرسم احتفظي بأجمل رسوماته ولصقيها في دفتر كبير للرسم
وحطي عليها التواريخ يعني التاريخ إللي رسم فيه ولدك هالرسمة، طبعا بعد
مرور سنوات بيكون من الممتع العودة لهالكتاب وهالرسومات إللي تتبع مسيرة
وتطور ولدك في الرسم.
اصنعي كتاب المفردات يعني متى ما بيبدأ طفلك لفظ كلمة جديدة دوري على صورة
أو رسمة لها ولصقيها في دفتر واكتبي الكلمة تحت الصورة طبعا بيكون هالكتاب
هو أول كتاب بيقراه لك طفلك (والله وناسه)..
حتى تكون طلعتك إنتي وطفلك للحديقة أو لشاطئ البحر حلوه ومفيدة استغلي
هالمناسبة وخليه يجمع مختلف الأشياء الصغيره إللي ممكن أن تلفت انتباه طفلك
مثلا أزهار صغيرة، صدف، حصى شكلها حلو وملفت وبعد ما ترجعوا للبيت خليه
يفرزها ويحطها في علبة سموها علبة الكنوز طبعا حبذا لو كانت العلبة مزينة
وشكلها حلو..
خلي طفلك يبتكر ويخترع عطيه أشرطة وخيوط صوف متعددة الألوان ومجموعة من
الأزرار والأصداف وحبات الخرز وخليه يشكل عقود وسلاسل وخواتم وحتى تشجعيه
لبسي شبء من هالأشياء إللي سواها..
إذا كان طفلك يحب يلعب بالماء والصابون اعطيه وعاء كبير فيه ماء وسائل غسيل
واسفنجه كبيرة وخليه يغسل دراجته أو خليه يساعدك بغسيل سيارتك أو سيارة
أبوه.. أكيد إنه بيكون مستانس وايد..
حتى تشغلي ولدك سويله بيته الخاص خذي علبة كبيرة لشيء من الأدوات المنزلية
غسالة مثلا ولصقي عليها ورق جدران ورسمي على العلبة باب ونوافذ وقصها وزيني
البيت وخلية يقضي وقته في بيته الجديد..
منقوووووووووووول للفائدة[/